Sehnsucht blau
(2002, T & M: R. Zoss) «Für Micha Blinz» (siehe Roman Saitenstrassen)
Song hören
 
 
« I bi a mänger Chrützig gstange, ha nid gwüsst, weli Richtig näh.
Bi nach mym Gring ggange, statt uf d Stimm z lose vo inne!
Zäh mal han i vo vor aagfange!»
 
I bi mängi Route gfahre
mänge Wäg, nid lang studiert
zwüschem Ganges u der Aare
jede Schmärz mal usprobiert
 
Bi für nes Café bis nach Rom
uf e nes Bier nach Nordirland
ha gläbt uf Inslen ohni Strom
u nächhär frömd im eigne Land
 
Wie nes Lied vo sym Refrain, wie nes Echo vom Tal
wie ne Tanker vo sym Anker schrysst’s mi furt vor Sehnsucht blau
 
Bi i den Arme vo re Göttin
dert im Land vor Morgeröti
vergange, verlore
verbrönnt u nöi gebore
 
Bi ne Giel, e Maa, e Frou gsy
und wytt inn en alte Goof
wo no ging e Fründ het gfunge
grad ir letschte Beiz vom Dorf
 
Wie nes Lied vo sym Refrain, wie nes Echo vom Tal
wie ne Tanker vo sym Anker schrysst’s mi furt vor Sehnsucht blau
 
I ha tanzet uf Vulkane
bi ga schwanze nach L.A.
bi ne n Abe lang der Star gsy
und am Morge stei-allei
 
Uf all Gfahre han i pfiffe
und ha gsunge wie ne Gott
bis i spät emal begriffe ha
was ds Läbe mit mer wott
 
Wie nes Lied vo sym Refrain, wie nes Echo vom Tal
wie ne Tanker vo sym Anker schrysst’s mi furt vor Sehnsucht blau