Im Winter Buddhischt

(2002, M: St. W. Müller / T: R. Zoss)
 
 
Im Winter bin i ging Buddhischt
wes dusse grau und gruusig isch
im Summer wird i zum Nudischt
we my Buuch ar Sunnen isch
 
Bim Tramfahre, da bin i schwarz
im Sparen schlau wie d Schotte
I säge dir niemer erfahrt's
was i alls scho ha botte
 
Im Jasse bin i ds gröschte Ass
e Buur mit Stöck und ohni Stich
im Schutte spar i my bescht Pass
bis der Mätsch abpfiffen isch
 
Z Nacht tröimen i rosarot
i mym weiche Himmelbett
u we mal d Rosa nümme wott
han i ne Teddy wo mit hett
 
Im Winter bin i ging Buddhischt
wes dusse grau und gruusig isch
im Summer wird i zum Nudischt
we my Buuch ar Sunnen isch
 
I Bungee-jumpe rüdig gärn
i Bäregrabe vo Luzärn
und versinge voll bekifft
der Chef ir Bude - statt der Stift
 
I nime ds Läbe so wie's chunnt
emal als Steak - emal als Stier
u tanze, we nes rägne tuet,
im Reggae-Takt bis hei zu dir
 
Im Winter bin i geng Buddhischt…