Längizyti
(2001, T & M: R. Zoss;)
 
 
I ha Längizyti nach dir
nach em Summer i dym Haar
hie bim ne Bier i dere Bar
uf däm wytte Wäg zu mir
 
I ghöre Schritte dussen im Gang
gseh der Zeiger vor Uhr ar Wand
wo lysli surret u zue mer seit:
« Jedi Stund zellt, wo vergeit!»
 
I ha Längizyti nach dir
uf däm wytte Wäg bis zu mir
als hätt i mi nach all dene Jahre
ungerwägs – verfahre
 
U jitze gahn i dür die Nacht
ha nüüt als mi mitbracht
luegen a Himmel, wo wytt u breit
alles weiss – u nüüt meh seit
 
I ha Längizyti nach dir
uf däm wytte Wäg bis zu mir
hinger däm Bier i dere Bar
I wett schlafen i dym Haar
numen ei Nacht u tuusig Jahr