Zersch näh me mer Manhattan
(M: L. Cohen/1981; T: adaptiert: R. Zoss/2003)
Geheimtrack, Song hören
 
 
«Bärn, 11. Septämber 2003!»
 
Sie hei mi verdammt zu zwänzg Jahr Läärlouf
wüll i ihres Syschtem heig knackt vo inn
u jitze, jitz chumen i wie ne Werwolf:
Zersch näh mer Manhattan – u nächhär Bärn
 
I lose uf d Signal us der Galaxis
uf d Narbe won i trage uf der Stirn
losen uf d Musig vo de Waffe
nach em Singe vor Himne chunnt d Praxis:
Zersch näh mer Manhattan – u nächhär nähme mer Bärn
 
Am liebschte, ehrlech, wett i bi dir blybe
I ha di so wie d redsch, wie di bewegsch ganz eifach gärn
Aber lue dert uss ir Nacht, das Liecht bim Tower
es gyt e Chraft, wo di rüeft und i weiss – i weiss, i muess di la gah

 
Iu, du wo mi gliebt hesch als Verlüürer
hesch Schiss, jitz won i strahle wie ne Stärn
I lah mi nid la choufe vom Guld i dyne Häng
I bätte jedi Nacht, i tät dä Job so gärn:
Zersch näh mer Manhattan – u nächhär Bärn
 
I stah nid uf dene Droge, wo di tröschte
i stah nid uf dy gstylte Business-Man
nach allem wo passiert isch mit myre Schwöschter:
Zersch näh mer Manhattan – u nächhär nähme mer Bärn
 
Am liebschte, ehrlech, wett i bi dir blybe (kursiv)
I ha di so wie d redsch, wie di bewegsch ganz eifach gärn
Aber lue dert uss ir Nacht, das Liecht bim Tower
es gyt e Chraft, wo di rüeft und i weiss – i weiss, i muess di la gah

 
I wett mi no bedanke für die Gschänkli, die aparte
für e Plüschaff u d Plastig-Gyge zum Geburi färn
I üebe Tag u Nacht, ma fasch nümm warte:
Zersch näh mer Manhattan – u nächhär nähme mer Bärn
 
Oh weisch no wien i ha gläbt nüüt als für d Musig
Wien i ha gsunge i de Strasse zmitts im Glärm
Aber hütt isch äbe Zahltag u mänge, dä preicht's gruusig:
Zersch näh mer Manhattan – u nächhär nähme mer Bärn